House prosecution criticizes VP Sara Duterte's defense for failing to address P817M in alleged VP Sara Duterte unexplained wealth. Get the latest trial updates.

Gibatikos ni House prosecution spokesperson ug Lanao del Sur Rep. Zia Alonto Adiong ang testimonya sa eksperto sa Anti-Money Laundering Council (AMLC) nga gipresenta sa kampo ni Vice President Sara Duterte sa impeachment trial.

Matud ni Adiong, nilapas sa sakop sa iyang testimonya si Atty. Rainer Dela Fuente, kanhing imbestigador sa Anti-Money Laundering Council (AMLC).

Sumala kaniya, wala niini direktang natuki ang mga alegasyon nga dunay kalabotan sa bahandi sa Bise Presidente.

Gikuwestiyon usab sa pipila ka mga senador ang kapasidad ni Dela Fuente sa pagsusi sa mga pinansyal nga dokumento human niining giangkon nga wala niya gisusi ang mga dokumentong gigamit sa eksperto sa prosekusyon.

Base sa pagsusi ni forensic accounting expert Alexander Cabrera, miabot sa dili moubos 817.87 milyon pesos ang matud pa walay katin-awang bahandi ug wala gideklarang mga kabtangan ni Duterte ug sa bana niini nga si Manases Carpio.

Gipasiugda ni Adiong nga wala pa direktang natubag sa mga saksi sa depensa ang mga ebidensyang gipresentar sa prosekusyon.

Gikuwestiyon usab niya ang kredibilidad sa mga saksi tungod sa ilang kalambigitan sa Bise Presidente.

Anaa na karon sa kamot sa impeachment court ang pagdesisyon sa gibug-aton ug bili sa mga ebidensya ug testimonya nga gipresentar.

Padayon usab nga gilimod sa kampo ni Vice President Sara Duterte ang tanang alegasyon batok kaniya. (raniel mahunyag)