Gipas-an sa pribadong sektor ang pagkab ot sa Northern Mindanao sa trillion threshold sa ekonomiya human nag laylow ang paggasto sa gobyerno sa mga proyektong imprastraktura tungod sa mga kontrobersiya sa ghost flood control projects.
Gipunting ni Cagayan de Oro Chamber of Commerce and Industry Foundation President Engr. Almarico Brito nga bisan pa man sa paghinay sa public infrastructure spending, nagpadayon ang mga negosyante sa pagbubo og puhunan tungod sa kaluoy ngadto sa mga trabahante nga nagsalig sa ilang panginabuhian.
Giklaro ni Brito nga wala mohunong ang mga lokal nga negosyante sa pagpangita og paagi aron dili maparalisar ang negosyo taliwala sa lisod nga sitwasyon.
Gitataw sa lider sa Oro Chamber nga magpadayon ang grupo sa pagsuporta sa pribadong sektor aron magpabiling buhi ang trabaho sa dakbayan ug sa tibuok rehiyon.










