Gisuportahan ni Cagayan de Oro City Konsehal Roger Abaday ang ideya sa pagbutang sa dugang nga satellite transport terminals aron masulbad ang kahuot sa trapiko sa syudad.
Ang konsehal miingon nga ang kasamtangang tulo ka dagkong terminal sama sa Agora ug Bulua napuno na sa mga pasahero ug sakyanan gikan sa lain-laing probinsya.
Ang plano naglakip sa pagtukod og terminal sa mga dapit sama sa Bukidnon ug Lanao aron malikayan ang pagsulod sa daghang sakyanan sa sentro sa syudad.
Pinaagi niini, gilauman nga maminusan ang congestion ug mas mapaayo ang kahimtang sa mga pasahero.
Ang sugyot nagpunting sa mas episyente nga sistema sa transportasyon nga makahatag og kahapsay sa dagan sa trapiko.
