Gibutyag ni Tingog Partylist Representative Jude A. Acidre nga ang mga testimonya sa duha ka opisyal sa Armed Forces of the Philippines (AFP) nagpakita sa mga anomaliya sa paggamit sa confidential funds sa Department of Education (DepEd), atol sa ika-20 nga adlaw sa hearing sa impeachment ni Vice President Sara Duterte.
Sa exclusive interview sa BOMBO RADYO, siya namugos nga gipamatud-an sa mga saksi nga wala sila nakadawat sa pondo o kwarta gikan sa Department of Education alang sa gipahigayong Youth Leadership Summit (YLS).
Lakip sa mipalanog nga wala sila makadawat sa pondo bikan sa Office of the Vice Presidente ug sa DepEd niadtong tuig 2022 ug 2023, sila rmed Forces of the Philippines (AFP) Colonel Manaros Boransing II ug Colonel Magtanggol Panopio
Gipadayag sa mga testigos nga nakuratan sila dihang nahibaloan nga ang ilang gi-issue nga certificates of appearance gigamit diay sa DepEd isip tipik sa ilang liquidation sa confidential funds.
Gitin-aw sa magbabalaod nga ilang gi-organisar nga mga summits sa kabatan-onan dugay na nga gipahigayon sa wala pa manumpa si Bise Presidente Duterte isip DepEd Secretary.
Una niini, gipamugos ni Acidre nga dili gayud “intended” ang maong mga sertipikasyon aron mahimong pruweba sa pagbayad sa confidential operations o impormasyon.
Tungod niini, gipaklaro sa prosecutuon nga ang paggamit sa mga dokumento sa DepEd alang sa liquidation usa ka dakong paglapas sa gitakdang katuyoan sa pagpagawas niini.
