Klarong scam ang paggasto sa Confidential Funds ni Vice President Sara Duterte sa mga katuigang 2022 ug 2023 nga iyang gibubo sa Department of Education – intelligence operations o batok sa mga recruitment sa mga rebelde sulod sa mga tunghaan.
Kini ang prangka nga komentaryo ni Tingog Partylist Representative Jude Acidre ug namugos nga ang gihulat nilang testimonya ni Attorney Michael Poa ang motapos sa gipalig-ong posisyon sa prosecution batok sa giingong anomalya nga mastermind si VP Sara.
Sa pakighinabi sa BOMBO RADYO, nagtuo ang magbabalaod nga kun makitaan ug susamang discrepancy ang Department of Education (DepEd) sama sa sa Office of the Vice President (OVP), mas dayag na ang kamatuoran nga giila ang katawhan sa dili tukma nga pagasto sa CFs ni Duterte.
Kini ang rason nga nakahukom si Acidre nga usa ka scam ang gihimo ni VP Sara sa pagpalihok sa CFs sa OVP ug sa DepEd.–
