“Supposedly, the school should be the safest place.”
Kini ang gipalanog ni Reynaldo S. Pardillo sa Alliance of Concerned Teachers (ACT) samtang nagpadayag sa iyang dakong kabalaka nga nagkadaghan ang mga insidente nga naghulga sa kaluwasan sulod sa mga eskwelahan.
Gipadayag usab niya ang lawom nga pagpaambit sa kasubo ug pag-suporta sa mga estudyante, magtutudlo, ug komunidad nga naapektuhan sa nahitabong insidente sa Tacloban City.
Matod pa niya, responsibilidad sa tanan ang pagpanalipod sa mga eskwelahan aron magpabilin kining luwas nga palibot alang sa pagkat-on ug dili mahimong lugar sa kahadlok.
Busa, nanawagan siya og mas hugot nga seguridad ug lig-on nga mga lakang sa pagpanalipod aron masiguro ang kaluwasan sa mga estudyante ug mapugngan ang susamang mga insidente sa umaabot. (jane abulag)
