Wala na teritoryo sa Pilipinas ang napulo ka air assets nga konektado kang kanhi Ako Bicol partylist Rep. Zaldy Co.
Giangkon sa Civil Aviation Authority of the Philippines pinaagi ni Director General Raul del Rosario nga unang milayas pabiya sa Pilipinas ang usa ka helicopter niadtong petsa 20 sa Agosto.
Gilayong nasundan sa Gulfstream 350 ug usa pa ka helicopter niadtong Setyembre 11.
Padulong daw sa Singapore ang Gulfstream jet ug sa Kota Kinabalu,Malaysia ang duha ka helicopters.
Hisayrang gi-kuwestiyon sa katawhan ang pagbaton ni Co sa maong air assets ilabina nga usa siya sa giakusahan nga utok sa budget insertions sa milabay’ng katuigan diin gipanggamit sa ghost flood control projects pinaagi sa pipila ka kurakot nga DPWH officials ug pinili nga public contractors.
