CAGAYAN DE ORO CITY-Nasikop sa kapolisan ang ika-7 nga most wanted person nga nag-atubang sa kasong pagpanglugos sa iyang step daughter sa Gingoo City,Misamis Oriental.
Giila ni Gingoog City Police Station commander Supt Roel Lami-ing ang suspek nga si Romeo Melaur,59 anyos,minyo ug lumad taga-Brgy Odiongan sa maong dakbayan.
Gisikop si Melaur tungod sa paglugos sa 11 anyos nga anak-anak sa makatulong higayon sugod tuig 2014 hangtod 2017.
Una niini,nakig-koordinar ang Gingoog PNP sa Buenavista Police Station tungod sa presensiya sa suspek samtang nagtago-tago sa Caraga Region.
Sa pagkakaron,balik na sa kustodiya sa Gingoog City PNP ang suspek aron atubangon ang kaso.
Gihimakak usab sa suspek ang pasangil batok kaniya.
