Tungod sa outbreak, mas gipalig-on pa sa lokal nga kagamhanan sa Ozamiz City ang ilang kampanya batok kuyanap nga sakit sa dengue.
Mahinumduman nga gideklarar sa maong syudad ang outbreak tungod sa walay puwas nga pagsaka sa ihap sa mga pasyente nga naigo sa bayrus.
Nagpatuman sa search-and-destroy operations ang mga opisyal ug health workers sa Barangay Tabid aron pangitaon ug wagtangon ang posibleng breeding grounds sa dengue-carrying mosquitoes.
Pinasikad sa City Council Resolution 142-2025 mas gipakusgan sa syudad ang lakang sa dengue prevention aron maminusan ang kaso.
Gikompirmar ni Mayor Henry Oaminal Jr., nga pito na ang namatay tungod sa dengue, lakip ang usa ka 14-anyos nga babaye nga nakabsan niadtong Abril 3.
