“Let me be clear, I am not calling for a total ban on online games.”\
Mao kini ang klarong pamahayag ni Senador Risa Hontiveros aron supakon ang naglutaw nga impormasyon nga gusto niyang ipagdili ang tanang online games.
Matud sa senadora, wala usab siya mag-ingon nga ang tanang nagdula og online games mahimong makahimo sa krimen sa tinuod nga kinabuhi.
Gipasabot niya nga dili ang online games o ang gaming community ang iyang gipunting.
Gani, iyang gidasig mao ang pagpalig-on sa mga lakang aron mapanalipdan ang mga kabataan batok sa online grooming, online radicalization, ug uban pang posibleng mga hulga nga ilang masugatan samtang nagdula ug nakigkomunikar online. (jane abulag)
