Nagpabilin nga dako ang paglaum sa search and rescue operations sa Venezuela bisan pa nga milabay na ang kritikal nga 72 ka oras nga kasagarang giisip nga pinakamaayong higayon sa pagluwas sa mga survivor.
Gikumpirma sa UN Resident Coordinator nga si Gianluca Rampolla del Tindaro nga padayon pa ang operasyon sa mga rescuers.
Matud pa kaniya, pito pa ka tawo ang nakuha nga buhi gikan sa mga kagun-oban kagahapon, nga naghatag og dugang paglaum sa nagpadayon nga pagpangita.
Bisan pa niini, giila sa United Nations nga nagkagrabe na ang kahimtang sa operasyon.
Gibutyag ni Rampolla nga nakigtambayayong na sila sa mga lokal nga otoridad aron makapalit og 10,000 ka body bag.
Matud pa kaniya, masakit man kini nga lakang, apan gikinahanglan isip pagpangandam samtang nagpadayon ang pagpangita sa mga biktima sa lugar nga naigo sa trahedya.
