Nagmando ang Department of Agriculture (DA) ang dinalian ug detalyadong structural assessment sa General Santos Fish Port Complex human temporaryong gisirad-an ang pipila ka bahin niini tungod sa kusog nga magnitude 7.8 nga lindog niadtong Hunyo 8.
Gimandoan ni Agriculture Secretary Francisco Tiu Laurel Jr. ang mga eksperto nga susihon pag-ayo ang pasilidad, lakip na ang paghimo og geotechnical investigation, aron masiguro nga luwas kini bisan pa man sa mga nasinating aftershocks.
Base sa pasiunang report ni PFDA Acting General Manager Glen Pangapalan, nagpabiling lig-on ang istruktura sa fish port ug swerteng walay naangol o namatay nga empleyado o negosyante sa maong kalamidad.
Bisan pa niana, gipasabot ni Laurel nga kinahanglang paspasan ang pagsusi aron dili mabalda ang panginabuhian sa mga tawo nga nagsalig sa maong pantalan.
Mahibaloang importante kaayo kini nga lakang tungod kay ang GenSan Fish Port ang nag-unang sentro sa industriya sa tuna sa tibuok Pilipinas
