Dili makalusot si Vice President Sara Duterte sa bag-ong ebidensya nga i-presentar sa house prosecution panel alang sa iyang nagkadool nga impeachment trial.
Kini ang gibutyag ni Bicol Saro Partylist Representative Terry Ridon, human gikompirmar ni private prosecutor Atty Lorna Kapunan nga pwede sila magpagawas sa bag-ong ebidensya nga mudoot sa bise presidente sa iyang nahimong kahiwian samtang nangalagad sa gobyerno.
Kini nga mga ebidensya may kalambigit sa personal properties ni Duterte nga wala niya gitug-an sa iyang Statement of Liabilities and Networth o SALN.
Mahinumduman nga ang SALN ni VP Sara ang gigamit sa House Committee on Justice isip alas hinungdan nga nakitaan sa probable casue ang duha ka impeachment complaints batok kaniya ug hingpit nga napasakaan sa kasong misuse sa confidential funds, unexplained wealth, bribery, ug betrayal of public trust subay sa nakalatid sa upat ka articles of impeahcment.
