Atol sa ika-dose ka adlaw sa Impeachment trial ni Vice President Sara Duterte nagpahayag si Counsel for Prosecution Atty. Lorna Kapunan nga kung siya ang pangutan-on, dili prima facie evidence ang walay katin-awan nga paggasto sa confidential funds sa Department of Education ug office of the Vice President kun dili scam kini.
Kini iyang gisulti human sa iyang pagpangutana ni kanhi state auditor of the Commission on Audit Intelligence and Confidential Funds Audit Office Roderick Wamil mahitungod sa kung unsa ang presumption base sa patakaran sa COA kung dili mapatin-aw sa usa ka responsableng opisyal og gi-unsa paggamit ang public funds sama sa confidential funds ug dunay ginatawag nga prima facie evidence.
Mitubag si Wamil nga ang presumption kay na convert ang confidential funds ngadto sa personal nga paggamit o gigamit lamang sa kaugalingong benepisyo. Gikontra ni Defense Counsel Atty. Michael Poa ang maong pamahayag ug diha-diha dayong gipatangtang kini sa rekord ni Presiding Officer Francis “Chiz” Escudero.
