Giputbol si Atty Nicholas Kaufman, ang lead counsel ni kanhi presidente Rodrigo Duterte sa iyang kasong Crimes Against Humanity sa International Criminal Court (ICC).
Kini ang pagduda ni Atty Jojo Lacanilao, convenor sa Duterte Panagutin Campaign Network, human naluga ang papel sa “endo” o dokumento nga nag-ingon nga nahuman na ang kontrata ni Kaufman isip defense ni Duterte niadtong Marso 31, 2026.
Miingon si Lacanilao nga nakamugna kini’g “minor shock” sa mga supporters ni Duterte, ug sa samang higayon, daghan usab nga observers ang naglaum nga siya mahulipan gumikan sa iyang hina nga atake sa mga ebidensya nga gipresentar sa prosekusyon.
Nagtoo usab si Lacanilao nga posibleng nagkuha sa laing abogado ang kampo ni Duterte nga mas lapad ang kahibalo sa iyang kaso sa Pilipinas
