Nagpahimangno si Atty. Tony La Viña sa publiko nga magmabinantayon ug likayan ang pagpakatag og fake news mahitungod sa trahedya nga mikalas sa kinabuhi ni Rene Clert Baterbonia ug usa pa niya ka kauban.
Sa iyang pamahayag, hugot niyang gipunting nga ang pagkalumos sa duha ka mga magdudula dili lang usa ka yano nga aksidente, kondili posibleng resulta kini sa negligence o reckless imprudence.
Nangutana usab si Atty. La Viña kung nganong gidala ang mga batan-ong atleta sa usa ka dapit diin delikado ang kahimtang sa dagat ug nganong kinahanglan pa kini buhaton.
Tungod niini, nanawagan siya og tulubagon aron masayran ang tinuod nga hinungdan sa maong insidente ug makab-ot ang hustisya alang sa mga biktima.
Sa katapusan, giawhag niya ang tanan nga mag-amping sa pagpaambit og impormasyon aron dili na madugangan ang kasakit nga giagian sa mga pamilya
