Posibleng ideklarar sa prosekusyon si Atty. Lopez isip hostile witness tungod sa iyang suod nga relasyon kang Bise Presidente Sara Duterte.
Matod ni Atty. VJ Topacio, dugay nga nagkatrabaho si Lopez ug si Duterte sa Department of Education o DepEd, busa gilauman nga ang iyang testimonya mahimong dili pabor sa panig sa prosekusyon.
Gipasabot ni Topacio nga kon ideklarar si Lopez isip hostile witness, tugotan ang mga abogado sa prosekusyon sa pagpangutana og leading questions o mga pangutana nga naggiya sa tubag sa testigo.
Sumala kaniya, makatabang kini aron mas klaro ug mas epektibo ang pagkuha sa testimonya, kay dili na limitado ang mga pangutana sama sa kasagarang mahitabo sa direct examination.
Sa pagkakaron, wala pa’y desisyon ang korte kon ideklarar ba si Atty. Lopez isip hostile witness, samtang padayon nga gibantayan ang dagan sa maong legal nga proseso. (jane abulag)
