Gilauman nga ipresentar sa House prosecution panel karong adlawa, Hulyo 13 si Atty. Jeremy Lotoc, regional director sa NBI-BARMM, isip sunod nga testigo sa impeachment trial ni Vice President Sara Duterte.
Motestigo si Lotoc bahin sa resulta sa imbestigasyon sa National Bureau of Investigation (NBI) sa giingong hulga batok kang Pangulong Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Giingong ang iyang testimonya mosunod sa pag-atubang ni NBI Senior Agent John Mark Calilung, kinsa mipamatood sa pagka-authentic o tinood sa mga video ug digital files nga nalambigit sa pahayag ni Duterte niadtong Nobyembre 23, 2024.
Sumala sa House prosecution, ang kaso nagpunting sa giingong grave threats nga nalambigit sa maong pahayag, apan wala na sila mihatag og dugang detalye tungod sa nagpadayon nga sub judice rule.
