“Ang hulga kay hulga gihapon!”
Mao kini ang lig-on nga pamahayag ni Atty. Samson So Tan, usa ka abogado gikan sa Cagayan de Oro, kabahin sa conditional threat nga giingon nga gibuhian ni Bise Presidente Sara Duterte.
Gipumugos sa maong eksperto nga bisan pa og adunay kondisyon ang pamahayag, kini gihapon mahimong sakop sa krimen ilawom sa balaod tungod kay kasagaran ang hulga nagagikan sa usa ka kondisyon.
Iyang giingon nga ang legal nga interpretasyon dili makaluwas sa usa ka opisyal gikan sa responsibilidad kung adunay hulga nga gipahayag.
Sa iyang panan-aw, kini nga punto mahimong pinakakusgan nga basihanan sa impeachment nga gamiton sa prosekusyon batok sa Bise Presidente.
