Gikasal na ang social media personality ug kanhi P-B-B housemate nga si Rita Gaviola, o mas nailhan isip “Badjao Girl,” ngadto sa iyang longtime partner nga si Jeric Ong.
Nahitabo ang ilang solemnong kasal niadtong Mayo 29 ning tuiga sa usa ka simbahan sa Quezon City, nga gitambongan sa ilang pamilya ug mga suod nga higala.
Malipayong gipaambit ni Rita sa social media ang mga hulagway sa maong okasyon, uban ang garbo nga caption nga siya opisyal na nga usa ka “Mrs. Ong.”
Kahinumduman nga duna nay anak ang duha, ug kini nga kaminyoon ang nag-seal sa ilang relasyon human sa ilang engagement niadtong tuig 2023.
Gikan sa iyang viral nga hulagway kaniadto, dako na gyud ang nausab sa kinabuhi ni Rita nga karon nagsugod na sa iyang bag-ong chapter isip asawa ug inahan. (jane abulag)
