Gimultahan sa Department of Labor and Employment (DOLE) si kanhi Ateneo men’s basketball head coach Tab Baldwin ug ang Ateneo de Manila University (ADMU) og P4.9 milyon tungod kay nakita sa ahensya nga duna silay managlahing kalapasan sa Article 40 sa Labor code.
Matud pa ni Labor Secretary Francis Tolentino, gipahamtang ang maong multa isip silot sa giiingong kalapasan nila sa mga rekisito sa pagpanarbaho ni Baldwin.
Ang nakitang kalapasan sa DOLE kay ang wala pagkuha ni Baldwin og Alien Employment Permit (AEP) samtang nagtrabaho kini isip basketball coach diri sa nasud ug matud pa ni Tolentino, dili pa mahimong ipa-deport si Baldwin kay kinahanglan pa niyang atubangon ang mga kasong kriminal nga posibleng ipasang-at sa kagamhanan sa Pilipinas batok kaniya.
Dugang pud ni Tolentino, kung dili makatuman sa ilahang obligasyon nga pagbayad sa multa sulod sa 30 ka adlaw si Baldwin ug ang ADMU, posibleng mag-atubang og mga problema ang maong unibersidad sa Commission on Higher Education (CHED) tungod sa pakyas niini nga pagtuman sa iyang obligasyon. (raniel mahunyag)
