Gipasabot sa Women and Children Protection Desk sa PS3 Agora ang kahinungdanon sa paglikay sa balik-balik nga kaso sa kasamok sulod sa panimalay pinaagi sa sayong resolusyon sa barangay level.
Sumala ni PSSG Christine Adelion, kasagarang kaso nga ilang madawat may kalabotan sa physical abuse sulod sa panimalay, diin ang uban magreklamo apan mosangpot ra usab sa pasaylo ug pagbalik sa maong sitwasyon.
Dugang pa niya, ang ubang insidente nagpadayon tungod sa kakulang sa klarong kasabotan sa mga partido ug sa pagbalik-balik sa reklamo hangtod makaabot sa korte.
Gipasiugda usab ni Adelion nga gina-awhag nila ang mga biktima sa pang-abuso nga mas maayo nga ipahigayon ang pag-istorya ug pag-areglo sa barangay aron malikayan ang dugang tensyon ug ang pagbalik sa abuso.
Busa, padayon ang ilang tambag nga ang sayong interbensyon sa komunidad makatabang sa pagpahunong sa siklo sa kasamok. (written by James Oliver)
