Gitugotan sa Senate impeachment court ang hangyo sa House prosecution panel nga ipa-subpoena ang bank account, tax records, ug AMLC documents ni Vice President Sara Duterte ug sa iyang bana nga si Atty. Mans Carpio.
Matod ni Presiding Officer Senator Chiz Escudero, adunay igong basehan ang maong lakang ubos sa Article II sa Articles of Impeachment nga naghisgot sa giingong ‘unexplained wealth’.
Gipasabot sa korte nga ang maong mga dokumento gamiton lamang sa pagtandi sa ilang tinuod nga kabtangan ug transaksiyon, ug dili aron magpasaka og bag-ong kaso batok sa Bise.
Giaprubahan usab ni Escudero ang subpoena alang sa records sa 19 ka kompanya nga nalambigit sa magtiayon, gawas lang sa duha ka kumpanya nga wala mapamatud-ing adunay direktang koneksyon kanila.
