Gitin-aw ni House Prosecution Impeachment Adviser Robert Ace Barbers nga unang kinahanglan mapamatud-an nga ang maong kuwarta gikan sa kaban sa katawhan o public funds.
Matod niya, kini nga pondo naggikan sa buhis sa mga Pilipino ug gigahin alang sa espesipikong katuyoan, lakip na ang mga confidential ug intelligence operation.
Matod niya nga mahimong magpabiling Confedential ang detalye sa maong mga operasyon tungod sa ilang kalabotan sa national security ug intelligence gathering.
Apan iyang gipatin-aw nga dili mahimong sekreto ang accountability, tungod kay adunay mga lagda ug proseso sa paggamit ug pag-liquidate sa confidential ug intelligence funds.
Matod ni Barbers, kinahanglan masiguro nga matag piso sa pondo sa katawhan adunay hustong dokumentasyon ug gigamit subay sa gitakdang mga patakaran. (jane abulag)
