Dili personal nga sumbong apan, usa ka lakang aron pamatud-an ang integridad sa konstitusyon.
Kini ang gipamugos ni House Prosecution Panel Spokesperson Atty Renee Co, sa pagligid sa impeachment hearing sa kaso ni Vice President Sara Duterte.
Sa press briefing nga gipahigayon sa House Prosecution Panel, gipasabot ni CO ang pagkamahinungdanon sa proseso aron masabtan sa publiko nga ang pagduyngog nagsilbing mekanismo sa tulubagon sa mga accountable officials, ug dili bunga sa politikanhong interes o panagbangi.
Atol sa tigom, gihisgutan ang pagpresentar sa mga video isip ebidensya dungan sa testimonya gikan sa mga ahente sa NBI aron mapamatud-an ang kamatuoran niini.
Gidugang pa ni House Prosecution Panel Advisor Ace Barbers nga ang pagsunod sa maong mando sa balaod nagpakita lamang nga buhi ug epektibo ang sistema sa panggamhanan sa nasod.
