Gikataw-an nalang nila Prosecution Panel Spokesperson ug Adviser Robert Ace Barbers ug Deputy Speaker Paolo Ortega ang isyu sa alyas sa mga bayani nga gikomparar ni Senator Judge Robin Padilla sa mga alyas nga gigamit sa mga informants o nakadawat sa confidential funds ni sa Office of the Vice President ug Department of Education nga hawid ni Vice President Sara Duterte sa katuigang 2022 hangtud 2023.
Sa online press briefing nga gilusad sa duruha miingon si Ortega nga “off topic” na ang isyu sa paggamit sa pseudonym alang sa mga tawong nabayran sa CFs sa OVP ug sa DepEd.
Alang sa duruha, wala mga confidential funds nga nadawatan ang mga bayani ug walay bayani nga gidagnayan sa “chit-cherya”.
Kung mahinumduman nga gipamugos ni Padilla ang bili sa paggamit sa alyas aron maseguro nga walay mahungaw nga mga sensitibong impormasyon nga makadaut sa kalinaw ug seguridad sa katawhan sa Pilipinas.
