Gipanawagan sa sektor sa edukasyon ang pagbansay sa mga magtutudlo sa basic sign language isip usa ka dakong lakang sa pagpalambo sa inclusive education sa nasod.
Gipamatud-an ni Dr. Therese June Aranas, hepe sa Department of Special Education, nga gisugdan na kini nga inisyatibo sa pipila ka tunghaan sa dakbayan sama sa Lapasan Elementary School ug Abuhan Elementary School.
Ang tumong mao ang paghatag og mas lapad nga akses sa edukasyon alang sa mga estudyanteng adunay kapansanan sa pandungog.
Bisan pa sa limitado nga gidaghanon sa mga magtutudlo sa departamento, padayon ang ilang paningkamot sa paghatag og training sa sign language.
Gilauman nga pinaagi sa maong pagbansay, mas mapalambo ang abilidad sa mga magtutudlo sa pag-atiman sa tanang klase sa estudyante.
Hisayran nga kini nga programa giila nga usa ka makapabag-o nga lakang sa pagtukod og mas inklusibo ug patas nga sistema sa edukasyon.
