Mas kusog pa ang Bagyong “Francisco” samtang nagpabilin sulod sa Philippine Area of Responsibility (PAR), sumala sa Philippine Atmospheric, Geophysical and Astronomical Services Administration (PAGASA).
Karong Lunes, base sa 4:00 A.M nga weather forecast sa ahensya, ang sentro sa bagyo nahimutang sa gilay-on nga 715 kilometro sa sidlakan sa Tuguegarao City, Cagayan.
Kini nagdala sa kusog nga hangin nga moabot sa 140 kilometro matag oras ug pagbugso hangtod 170 kilometro matag oras, samtang nagalihok paingon sa amihanang-kasadpan sa tulin nga 30 kilometro matag oras.
Segun sa PAGASA, Signal Number 1 na ang mga Batanes, northeastern portion sa Cagayan (Gonzaga, Santa Ana) lakip ang eastern portion sa Babuyan Islands (Babuyan Is., Didicas Is., Camiguin Is.,)
