Kampante ang liderato sa National Bureau of Investigation (NBI) nga anaa pa sulod sa Pilipinas si Senador Ronald Bato dela Rosa.
Gihimo ni NBI Director Melvin Matibag ang pahayag human migula ang posibilidad nga nakagawas na kini sa nasud gamit ang backdoor exit.
Miingon si Matibag nga aduna sila tracker team aron suhiron ang hideout ni dela Rosa.
Hisayran nga ulahing nagpakita ang senador sa publiko niadtong Mayo 13 dihang nahitabo ang ilang gibansagan nga “senate seige”, kundiin, kauban pa niya si Senador Robin Padilla ug ang iyang abogado nga si Atty Israelito Torreon.
Si dela Rosa adunay standing warrant of arrest gikan sa International Criminal Court (ICC) kay siya usa sa co-perpetrators sa kasong crimes against humanity nga giatubang ni detained former president Rodrigo Duterte.
