Gipahigayon sa kapulisan sa Berlin ang ilang pagpangita sa suspetsadong nailhang si ‘Abdul B.’, nga gituohang adunay kalambigitan sa usa ka Islamist nga grupo, human sa makamatay nga pagdasmag sa sakyanan sa Berlin Pride.
Usa ka tawo ang namatay ug 17 ang naangol sa dihang misulod ang usa ka puti nga van sa Tiergarten Park alas 10 sa gabii niadtong Sabado ug midasmag sa mga tawo nga nagtambong sa maong kalihokan.
Sumala sa Berlin Police, wala pa’y igo nga impormasyon bahin sa eksaktong dagan sa insidente o sa motibo sa suspek, apan gihangyo ang publiko nga motabang pinaagi sa paghatag og impormasyon, samtang nagpahimangno nga dili kini direktang duolon.
Hisayran nga walo sa mga naangol, adunay grabeng samad, ug tulo ang nagpabiling kritikal, samtang misaad ang gobyerno sa Germany nga panubagon ang responsable sa maong pag-atake. (riza budlao)
