Best practices sa uban nasud, angayan sil-ipon para sa kaayuhan sa pagprotektar sa mga batan-on

Gitin-aw ni Dr. Jean Lindo, chairperson sa Gabriela Partylist Northern Mindanao nga gikinahanglan sa Pilipinas ang pagtuon sa mga maayong pamaagi o best practices sa ubang mga nasod kalabot sa pagrehabilitar sa mga batan-on nga nakalapas sa balaod o mga children in conflict with the law.

Si DRA LINDO miingon nga dako kaayo ang bili ug nindot ang kasamtangan nga Juvenile Justice Law sa nasod, apan nag-atubang kini sa mga hagit sama sa saktong pagpatuman niini ngadto sa komunidad.

Nagtoo si Lindo nga daghan ang mga balaod sa Pilipinas nga maayo kaayo ang pagkahimo ug dako unta ang ikatabang sa katilingban.