CAGAYAN DE ORO CITY, Philippines – Gi-awhag sa Bureau of Immigration (BI) ang tanan kaliwatang pinoy nga mag-igmat sa mga langyaw nga posibleng gipadala sa nasud aron mangispiya sa internal nga kalihukan sa gobyerno.
Namahayag si BI Commissioner Joel Anthony Viado nga posibleng namuyo na sa nasud sulod sa upat ka dekada kining mga langyaw, subay sa mga dokumento nga ilang nahipos, pinaagi sa gilusad nga imbestigasyon.
Miingon si Viado nga lakip sa ilang nadakpan, unang mitunob sa Pilipinas tuig 2002 ug nakakuha na sa ilang legal status sa pagpuyo dinhi sa nasud.
Gibutyag usab sa BI nga kasagaran sa mga nadakpan nga gi-akusahan nga ispiya nakaminyo na sa babayeng pilipino ug nanarbaho sulod sa mga dagkung kompanya sa San Juan ug Metro Manila.
Gani ang uban kanila aduna nay kasayuran ug nakakuyog na sa kalihukan sa Department of Justice, NBI ug AFP aron mangulekta sa impormasyon sa mga suspek.
Una niini, laraw sa DOJ nga pasakahan usab sa tukmang kaso ang mga pinoy nga kakunsabo sa mga ispiyang langyaw nga nadakpan sa NBI ug BI.
