Gibutyag ni House impeachment lead prosecutor Atty. Gerville “Jinky” Luistro nga mahimong maglakip sa importante nga ebidensya ang nakaselyo nga kahon gikan sa Bureau of Internal Revenue (BIR) nga may kalabotan sa alegasyon sa unexplained wealth batok kang Bise Presidente Sara Duterte.
Sumala ni Luistro, ang mga dokumento sulod sa kahon mahimong makatabang sa pagpamatuod sa pagsusi sa mga pasangil nga wala gi-deklarar nga assest, kakulangan sa pagbutyag sa Statement of Assets, Liabilities and Net Worth (SALN), ug ang pagtalikod sa pipila ka interes sa negosyo.
Ang BIR box gisulod sa rekord sa impeachment proceedings niadtong Abril apan nagpabiling nakaselyo human sa desisyon sa House Committee on Justice tungod sa posibleng legal nga isyu nga may kalabotan sa pagka-kumpidensyal sa tax records.
Gibutyag ni Luistro nga gusto unta sa komite nga ablihan ang kahon kaniadto, apan nag-amping kini aron malikayan ang posibleng paglapas sa mga probisyon sa National Internal Revenue Code.
Dugang pa niini, andam ang prosecution panel nga ipresentar ang ilang posisyon sa impeachment court kung kinahanglan nga hisgutan ug ablihan ang BIR box sa umaabot nga mga pagdinig.
