Mipasaka’g kasong kriminal ang Bureau of Customs (BOC) batok sa lima ka ‘balikbayan box cargo firms’ sa Department of Justice (DOJ), karong adlawa.
Gipanguluhan ni BOC Commissioner Arel Nepomuceno ang pagkiha sa mga mulangkob: Ikthus Trading Corporation, Marcelo D. Laylo Cargo Forwarders, Amoree International Consumer Goods Trading, MT De Guzman Non-Specialized Wholesale Trading ug ang Cargoflex Haulers Corporation.
Ang kaso nga gisang-at mao ang Customs Modernization and Tariff Act (CMTA) ug uban pang mga kasupakan sa probisyon. Ang reklamong gisumiter sa DOJ misunod pagkahuman nadiskobrehan ang pag-abandonar sa kapin 3,000 ka balikbayan boxes sa lain-laing pantalan sa nasud.
