CAGAYAN DE ORO CITY – Gipabakwi ni Justice Secretary Jesus Crispin Remulla sa government prosecutors ang mga impormasyon nga nagtumbok kang Pastor Denver Andales nga giakusahan nga utok sa pagpapatay sa kanhi Mr.Cagayan de Oro candidate nga si Adriane Fornillos ning syudad sa miaging tuig.
Kini human pabori sa kalihim ang petition for review sa mga abogado ni Andales rason gimanduan ang mga prosekyutor nga bakwion ang kaso nga gipasaka nila sa korte.
Namahayag si Remulla nga angayang masibog ang kasong murder kay kulang ang basehan nga magduot kang Andales ug sa personal drayber niini.
Dumduman nga giakusahan nga ‘sugar daddy’ sa babayeng hinigugma ni Adriane si Andales rason nga dunay pagpapatay apan kusganong gihimakak kini sa naulahi.
Gani,na-interbyu kini sa Bombo Radyo diin gitin-aw niini nga dakong bakak ang maong pasangil nga nagdaot lamang sa iyang pangalan.
Hisayrang gidakop si Andales subay sa mando ni Regional Trial Court Branch 39 Presiding Judge Marites Bernales tungod sa probable cause nga nakita sa imbestigasyon nga naglambigit kaniya pagpusil-patay kang Fornillos sa Brgy Nazareth sa miaging Mayo 9 sa kagabii.
