Gikumpirmar ni Senator Panfilo “Ping” Lacson nga napili sa majority senators si Senator Francis “Chiz” Escudero aron mag-preside sa Impeachment Trial ni Vice President Sara Duterte.
Matod pa ni Lacson, si Senate President Sherwin Gatchalian mismo ang misugyot nga si Escudero ang mahimong presiding officer tungod kay abogado kini ug adunay kasinatian sa impeachment proceedings.
“Lawyer eh… may experience na rin siya sa impeachment,” giingon ni Lacson.
Iyang gipadayag nga kini usa ka consensus sa Senado karong buntag, apan posible pa nga magbago depende sa mga diskusyon.
Gipasabot ni Lacson nga importante nga ang presiding officer adunay kahibalo sa Rules of Court ug evidence, aron makapahimo og desisyon dayon sa mga motion gikan sa prosecution o defense.
Ang pormal nga eleksyon sa pagpreside ni Escudero gilauman nga mahitabo sa pag-convene sa impeachment court sa Hulyo 6.
