Nagpahimangno ang Bangko Sentral ng Pilipinas (BSP) sa tanang BSP-Supervised Financial Institutions (BSFIs) nga palig-onon ang ilang mga lakang batok sa money laundering, terrorism financing, ug proliferation financing may kabahin sa mga kliyenteng adunay kalambigitan sa casino junket operations (CJO).
Naghatag ang BSP og mga giya, uban sa pagpaambit og mga “red flags” sama sa kaduda-dudang lihok sa kwarta, komplikadong ownership structures, ug layered transactions aron dili magamit ang mga bangko sa ilegal nga binuhatan.
Ilang girekomendar ang gipagawas nilang guidance paper nga pagpalig-on sa risk management sa lima ka nag-unang aspeto lakip na ang masusihong pag-ila sa kliyente, padayon nga monitoring, ug ang paggamit og enhanced due diligence alang sa ‘high-risk clients’.
Gipamugos usab sa BSP ang kamahinungdanon sa pagpaambit og impormasyon tali sa mga supervising authorities sama sa PAGCOR ug BSP aron mas epektibong maatiman ang mga risgo sa CJO. (riza budlao)
