CAGAYAN DE ORO CITY –Gikalipay sa Bangsamoro Transition Authority o BTA nga nakadawat sila’g pagbiay-biay gikan sa ilang mga kritiko nga wala kanila ang kapas idumala ang Bangsamoro Autonomous Region in Muslim Mindanao o BARMM sulod sa tulo ka tuig.
Kini human nagsugod na sa ilang trabaho ang BTA bisan naghulat pa sila sa bilyong pondo gikan sa national govt nga magamit sa pagtunol sa basic services ngadto sa katawhang Moro.
Miingon si BTA technical and higher education Minister Mohaguer Iqbal nga pamatud-an nila sa ilang mga kritiko nga may kapas sila panguluhan ang rehiyon sa Bangsamoro.
Kini ilabina ubos sa tabang sa ilang mga edukado nga mga miembro sa parliament nga gipanguluhan ni BTA interim chief Minister Murad Ebrahim.
