CAGAYAN DE ORO CITY – Gi-kuwestiyon sa double murder suspect nga si Dominorog Brgy Kap Judith Ocum kon nganong daw wala siya kuhai’g panig sa pasangil nga nalambigit sa kamatayon nila ni Kag Mauricio Guinto ug Konsehal Lorenzo Pedyaan sa Talakag, Bukidnon.
Kini human gibutyag sa kapolisan nga si Ocum ang dunay dako’g kalambigitan sa pagpappatay sa mga biktima dihang gipangpusil sa suspected hired killers sa miaging Enero ning tuiga.
Namahayag si Ocum nga wala siya kuhai’g panig sa PNP sa hitabo nga unta 100 percent daw siya nga wala masayod sa tinud-anay nga hitabo sa mga biktima.
Samtang dili matago ug mismo ang kaugalingong mga residente ang nagtoo nga si Dominorog Brgy Kap Judith Ocum ang nagpapatay kanila ni Pedyaan ug Guinto sa Talakag,Bukidnon.
Kini ang tubag ni Talakag Police Station commander Capt Dominador Orate Jr sa daw pag-kuwestiyon ni Ocum sa dagan sa imbestigasyon sa kamatayon sa duha ka konsehal.
Namahayag si Orate nga angay sa piskalya ug korte na lamang tubagon ni Ocum ug laing lima ka suspek ang kaso nga ilang gipasaka batok kanila.
