Supportado sa grpong CAFETADA ang modernisasyon sa pampublikong transportasyon pinaagi sa paggamit sa mga electric taxi aron mamenosan ang polusyon sa hangin.
Matud ni CAFETADA President Bernie Jamaca, adunay na’y mga lokal nga taxi operators nga nag-apply sa LTFRB alang sa prangkisa sa electric taxi.
Apan, giklaro niya nga dili ang paggamit sa electric taxi ang ilang gisupak.
Matud pa niya, ang ilang kabalaka mao ang pagpasulod sa Green GSM Taxi tungod kay ang operator niini usa ka langyaw nga kompanya ug dili Pilipino.
Bisan pa niini, giingon ni Jamaca nga pabor sila sa modernisasyon sa transportasyon basta mapanalipdan usab ang interes sa mga lokal nga taxi operators.-
