Gihupay sa geopolitical analyst nga si Prof. Lucanus Azrael T. Igot ang publiko batok sa labing lab-as nga video caricature sa China.
Iyang gitin-aw sa BOMBO RADYO nga dugay na kini nga klase sa istilo nga gigamit sa China ug kabahin lamang kini sa ilang political nga taktika tali sa makasumpaki nga nasud.
Kini nagpasabot nga dili lang sa Pilipinas nila gigamit ang mga onggoy sa ilang video caricature apan lakip na sa ubang nasud nga kasumpaki nila sa ilang diplomatikong baruganan.
Miingon si Igot nga ang video wala man gani nakadawat sa opisyal nga reaksyon gikan sa United Nations ug ubang internasyonal nga organisasyon tungod kay nakasabot sila nga kini usa ka porma sa intimidation.
Gipasabot usab sa experto nga ang gipagawas nga video sagad mahimong propaganda aron mahuyang ang moral ug pagkahiusa sa mga Pilipino.
