Gihangyo ni Palace Press Officer Undersecretary Claire Castro si Davao City Mayor Sebastian “Baste” Duterte nga mahimong responsable sa iyang mga pahayag ug siguruhong nakabase kini sa kamatuoran ug ebidensya.
Matud ni Castro, mas angay unahon ni Duterte ang pagsulbad sa pagbaha ug uban pang suliran sa Davao City kaysa magpadayon sa pamolitika ug pagsaway sa administrasyon.
Gipasabot usab niya nga ang impeachment trial ni Vice President Sara Duterte mandato sa Kongreso ug wala’y direktang kalambigitan si Presidente Ferdinand Marcos Jr. sa maong proseso.
Dugang pa ni Castro, ang mga kaso batok sa bisan kinsa gibase lamang sa ebidensya, ug ang mga lokal nga opisyal kinahanglan magpokus sa pag-alagad sa ilang mga dapit. (RIZA BUDLAO)
