Gipuna ni Palace Press Officer Claire Castro ang ubang mga Senator Judges sa usa ka press briefing.
Matud pa ni Castro nga adunay mga balaod ug insaktong proseso ang impeachment trial apan lahi ang interpretasyon niini ug daw gilihis sa ubang mga Senator Judges ang proseso ug dili ginatugotan ang testigo nga tapuson og tubag ang mga pangutana.
Giklaro pud niya nga ang papel sa mga Senator Judge sa impeachment trial kay pagpungatana og katin-awan aron mahibal-an ang kamatooran ug dili ang pagcross-examine ug pakiglantugi sa testigo.
Dugang niini, gitawag usab ni Castro nga pinaka-bias nga pahayag ang pagpamugos ni Senador Imee Marcos nga ang Special Disbursing Officer (SDO) lamang ang accountable officer sa isyu kabahin sa confidential funds ug wala nay apil si Bise Presidente Sara Duterte. (raniel mahunyag)
