Gihisgutan ni Palace Press Officer Claire Castro ang pipila ka mga hinungdan ngano diyutay lamang ang napasang balaod sa senado.
Matud pa kaniya ang pipila ka mga hinungdan kay ang pag-usab-usab sa liderato, mga nahitabong gubot, ug ang tulo ka adlaw nga wala pagtambong sa ubang mga senador sa sesyon sa senado.
Dugang pa niya, mahimo unta kining leksyon sa mga kawani sa gobyerno nga ang dapat nilang unahon kay ang interes ug kaayuhan sa publiko ug dili ang kaugalingong interes nga mupabilin sa pwesto.
Gipagawas kini niya nga pahayag human sa pahayag ni Senador Imee Marcos nga makauulaw ang senado tungod kay duha lang ka balaod ang napasa niini gikan sa 52 ka mga prayoridad nga balaodnon. (raniel mahunyag)
