Daku ang garbo sa administrasyon ni Presidente Ferdinand Marcos Jr sa pag-ila nga gihatag sa World Bank human nakab-ot sa Pilipinas ang “upper middle-income status”, nga sukad 1987 pa gihandom sa nasud.
Bisan pa man niini, giklaro ni Palace Press Officer Atty Claire Castro nga wala kini magpasabot nga luwas na ang tanang Pilipino gikan sa kakabos ug mga hagit sa panalapi.
Nagpadayon ang nagkadaiyang tabang ug interbensyon sa administrasyon aron sa paghatag sa maayong trabaho ug pagsulbad sa gutom sa nasod.
Gidugang pa Castro nga kini nga kalamboan dili mao ang katapusan, kundili usa ka pamaagi aron mas daling makadani sa mga langyaw nga muhatag sa dugang oportunidad sa mga trabahante. Nanawagan ang opisyal nga unta hunongon na sa mga kritiko ang pagbabag aron mas mapadali ang hingpit nga pag-asdang sa ekonomiya ubos sa pagdumala sa kasamtangang Pangulo
