“If you love your nation, you have to be updated” mao kini ang pahayag ni Senator Alan Peter Cayetano, dungan sa pag-awhag sa tanang Pilipino, pro man o anti-administration, nga tan-awon ug paminawon ang ikalimang State of the Nation Address (SONA) ni Presidente Ferdinand Marcos Jr.
Gitataw sa senador nga mas importanteng timbang-timbangon ang mismong mensahe sa maong speech imbes nga magpokus sa personalidad sa Pangulo.
Matud pa niya, ang SONA usa ka importanteng higayon aron masayran sa katawhan ang kahimtang sa nasod, ug ang mga plano sa pamahalaan para sa mga sumusunod nga tuig.
Dugang pa sa Senador, maghimo siya og ‘mini-vlog’ pagkahuman sa speech aron ipadayag ang iyang sentimyento, samtang gidasig usab niya ang publiko nga mahimong magbinantanyon alang sa ikaayo sa nasod. (RIZA BUDLAO)
