“Malulunod ka sa katotohanan”….
Mao kini ang tubag ni Senate Minority Leader Alan Peter Cayetano human gibalibaran ni Senador Panfilo “Ping” Lacson ang imbitasyon niya nga personal nga inspeksyonon sa senador ang mga flood control projects sa Taguig taliwala sa ilang nagpadayon nilang panagbangi.
Matod usab ni Lacson, moadto lamang siya sa Taguig kung maayo na ang mga flood control project didto, ug nagbinuang pa nga basin malumos siya sa baha kay dugay na siyang wala makalangoy.
Una nang giimbitar ni Cayetano ang senador ug ang iyang grupo aron makita mismo nga nahuman ug dili “ghost projects” ang mga flood control ug uban pang imprastraktura nga iyang gipanghambog.
Sa ulahing bahin sa ilang nagpadayon nga panaglalis, gikuwestiyon ni Cayetano ang pagtaas sa SALN ni Lacson, samtang mitubag ang senador nga ang iyang bahandi gikan sa lehitimong negosyo sa wala pa siya mibalik sa serbisyo publiko isip pagkasenador.
