Giakusar ni Senador Alan Peter Cayetano nga si Senador Panfilo Lacson sunod-sunoran lang sa kasamtangang administrasyon dungan sa nagkainit nilang lalis bahin sa flood control ug sa impeachment trial ni Bise Presidente Sara Duterte.
Matod ni Cayetano, gigamit lang si Lacson aron guboton ang iyang integridad, ug sa ingong siya ang mupuli isip bise presidente kung magmalampuson ang plano sa administrasyon nga mapahawa si Duterte sa pwesto.
Gidugang pa niya nga gituyo ni Lacson ang pagtutok sa impeachment aron tabunan ang kamatuoran sa flood control scam, ug ang uban pang matang sa korapsyon sa gobyerno.
Hisayran nga kining mga pagsaway, mibuto human una nang gibutyag ni Lacson nga aduna silay gihuptang ebidensya sa giingong mga “ghost project” sa Taguig, nga mamahimong magpapriso kang Cayetano.
