Nagduso sa petisyon sa Supreme Court si Senator Alan Peter Cayetano uban ang walo pa ka senador aron ideklarang ‘null and void’ ang Senate session niadtong Hunyo 3.
Gikuwestiyon sa grupo ang maong sesyon diin natudlo si Sen. Sherwin Gatchalian isip Senate President Pro Tempore ug acting Senate President, lakip na ang mga committee chairmanship.
Dugang pa, nagtuo usab ang minoriya nga ang gikatakdang special session adunay tumong nga hingpitang kontrolon ang liderato sa Senado ug ang gamhanang Blue Ribbon Committee.
Bisan pa man niini, gipahayag ni Cayetano nga andam silang mosuporta kang Senator Dante Marcoleta ug andam sad silang mohatag og kompromiso sa pipila ka posisyon basta mabilin lang kanila ang pagdumala sa Blue Ribbon Committee aron magpabiling patas ang mga imbestigasyon.
Lakip sa mga kauban ni Cayetano nga mipirma sa petisyon mao sila si Senators Pia Cayetano, Loren Legarda, Imee Marcos, Robin Padilla, Jinggoy Estrada, Bong Go, Camille Villar, ug ang kanhi Senate Secretary nga si Jose Luis Montales. (riza budlao)
