CAGAYAN DE ORO CITY – Mihurar na isip usa sa bag-ong associate justices sa Court of Appeals o CA si kanhi Regional Trial Court Branch 41 Presiding Judge Jeoffre Willkom Acebido.
Mismo si Supreme Court Chief Justice Alexander Gesmundo ang nagpahurar kang Acebido kuyog kang kanhi RTC Branch 115 Presiding Judge Edilwasif Baddiri nga mokupot usab sa CA position.
Gitudlo ang duruha sa maong appellate court sukad pa Pebrero 24, 2025.Si Acebido mihulip sa gibakanteng CA post ni CA Justice Victoria Isabel Paredes samtang si Edilfwasif mopuli kang retired CA Justice Edwin Sorongon.
Sa wala pa ituboy sa SC si Acebido sa bag-ong tahas,kini naghupot sa lower court nga nakabase sa Cagayan de Oro City sulod sa 16 ka tuig.
Sa wala pa ilha si Acebido isip Chief Justice Cayetano Arellano Awardee for Judicial Excellence,nagsilbi una kining prosekyutor, public attorney ug senior legal officer sa Commission on Human Rights nga nakabase sa Northern Mindanao.
Una niini,gilakipay sa Intergrated Bar of the Philippines- Misamis Oriental Chapter ubos sa pagpangulo sa ilang presidente nga si Atty.Gregg Pallugna ang katudluan ni Acebido sa maong katungdanan.
Hisayrang si Acebido ang Bachelor of Laws graduate sa Silliman University sa Dumaguete City tuig 1986 ug giila nga Outstanding Sillimanian Award for Judicial Service sa tuig 2023.
